உனது கோபங்கள்
உன் கோபத்தின் மௌனங்களும்
என் செல்லமான சமாதானங்களும்
அவ்வப்போது உறுதி செய்கின்றன
நம் காதலின் வலுவை..
மரணவலி தரும் உன் மௌனம்..
என் ஆன்மாவை ஆணிவேரோடு பிடுங்கி அழகு பார்த்திடும் உன் ஆணவத்தில் என் அனைத்து ஆரம்பங்களும் அடங்கித்தான் போயின.. . தனிமையெனும் தீவில் துன்புறுத்தியும் தொல்லைபடுத்தியும் தற்காலிகமான தற்கொலைக்குத் தூண்டும் உன் நினைவுகள்.. . நாட்கள் நிறைந்த நொடிகளும் வருடம் நிறைந்த நிமிடங்களுமாய் நகராது நோகடிக்கிறது நாசூக்காய்.. . உன்னை நினைத்தே நுரைத்துக் கிடக்கிறது என் நுரையீரல்.. . நினைவுகளை தானமாகத் தந்துவிட்டு நிதானமாய்க் கொன்று கொண்டிருக்கிறாய்.. . என் கட்டுக்கடங்காத பிரியங்களைக் கலைத்தும் தொலைத்தும் விளையாடும் உனக்கு கண்கள் மட்டுமா கருணையும் இல்லை. . மண்புழுவாய்த் துடிக்கும் என் மனதினுள் மயானம் அமைத்து மறவாமல் அடிக்கிறாய் உன் மௌனச் சவுக்கால்.. . பட்டும் படாமலுமான உன் பார்வை நகத்தினால் படுகாயப்படுத்துகிறாய் பாழாய்ப்போன என் இதயத்தை. . நிர்வாணமாய்த் திரியும் என் நிம்மதிகளுக்கும் நார் நாராய்க் கிழிந்த என் காதலுக்கும் நீண்ட துணை உன்னாலான என் ரணங்கள் தான். . பத்திரமாய் பத்திரப்படுத்துகிறேன் நீ தந்த வலிகளை. ஆறாத
Comments
நச்சுன்னு நாலே வரி..நறுக்குனு...நல்லா இருக்கு...ஆமா போட்டோ ஏன் எல்லா பதிவுகளிலும் ஒரே மாத்ரி இருக்கு...//
கருத்துக்கு நன்றிங்க..
நடுவுல கொஞ்ச நாள் என் வலைதளம் ஹேக் ஆகியிருந்தது. அதுனால பழைய பதிவுகள்ல இருந்த புகைப்படங்களில் ஏதோ சில கோளாறாயிடுச்சு.
வருகைக்கு நன்றிங்க.