செல்போன கண்டுபிடிச்சவன் நாசமாப்ப்ப்ப்போக...

ஒரு சின்ன ப்ளாஷ்பேக்.. (கொசுவத்தி சுத்துமே). சில வருஷத்துக்கு முன்னாடி எனக்கொரு ப்ரெண்ட் இருந்தான். அவன் என்ன விட ஜூனியர். நா ஒரு ஐ.டி கோர்ஸ் பண்ணிட்டு இருந்தேன். அதுல அவனுக்கு ஒரு ப்ராஜக்ட் பண்ணிக்குடுத்தேன். அதுமூலமா தான் நாங்க ப்ரெண்ட்ஸ் ஆனோம். அவன் ப்ளஸ் டூ முடிச்சிட்டு மெடிக்கல் காலேஜ்ல சீட் வாங்க முயற்சி பண்ணிகிட்டு இருந்த நேரம் அது.

அடிக்கடி எனக்கு ஃபார்வர்ட் மெசேஜ் அனுப்புவான். எப்பவாவது போன் பண்ணுவான்.. பெருசா எதுவும் பேசிக்க மாட்டோம். ஒரு நாள் போன் பண்ணி மெடிக்கல்ல சீட் கெடச்சிடுச்சுன்னும் வேற ஊர்ங்குறதுனால ஹாஸ்டல்ல தங்கி படிக்கப் போறதாவும் சொன்னான். நானும் அவன வாழ்த்தினேன். கௌம்புறப்ப போன் பண்ணி நல்லா படி, உடம்ப பாத்துக்க“னு வழக்கமான அட்வைஸ் எல்லாம் பண்ணினேன்.

ரெண்டு நாள் கழிச்சு போன் பண்ணி ஓஓஓஓ“னு அழுதான். என்னடானா ஓவரா ராக்கிங் பண்றாங்க.. பயமா இருக்குனு புலம்பினான். காலேஜ்னா அப்டி தான்டா இருக்கும். பத்து நாள் போனா எல்லாம் சரியாய்டும்னு சொன்னேன். சின்ன பையனாச்சே.. அப்பா அம்மாவ விட்டு தனியா வேற இருக்கானேனு அப்பப்ப போன் பண்ணி எப்டி இருக்கான்னு விசாரிச்சுக்குவேன். அவனும் டெய்லி காலேஜ்ல நடந்தத என்னோட பகிர்ந்துக்குவான்.

ஒரு நாள் போன் பண்ணி “எங்க காலேஜ்ல லாவண்யானு ஒரு பொண்ணு சேர்ந்துருக்கா.. ரொம்ப அழகா இருக்கா..“னு சொன்னான். நானும் “ஓவரா சைட் அடிக்காதடா.. படிக்கிறதுல கவனமா இரு“ன்னு சொன்னேன். மறுநாள் ”அவளோட டிரெஸ் இன்னைக்கு அழகா இருந்தது. அவ என்னப் பாத்து சிரிச்சா“னு சொன்னான். ஆஹா.. பயபுள்ள ஆரம்புச்சுட்டான்னு நெனச்சுகிட்டேன்.

இது அதோட நிக்கல. டெய்லி எனக்கு போன் பண்ணினான். அந்த லாவண்யா என்ன டிரஸ் போட்ருந்தா, அவ எப்டி பேசினா, சிரிச்சா.. அப்டி இப்டினு ஒப்பிக்க ஆரம்பிச்சுட்டான். ஒரு மணி நேரம் நாங்க பேசினா அதுல ஆரம்பத்துல ரெண்டு நிமிசம் தான் நா பேசுவேன். அதுக்கப்புறம் எல்லாமே அவனோட சுய புராணமா தான் இருக்கும்.

ஒரு நாள் காலங்காத்தால 5 மணிக்கு போன் செஞ்சு “லாவண்யாவ நா லவ் பண்றேன், அவகிட்ட இன்னைக்கு ப்ரபோஸ் பண்ண போறேன் இந்து“னு சொன்னான். எனக்கு செம டென்சனாய்டுச்சு. 19 வயசு தான் ஆகுது அதுக்குள்ள என்னடா லவ்வு?? ஏதோ சைட் அடிச்சியா, பேசாம படிச்சியானு இல்லாம ஏண்டா லவ்வெல்லாம்? அதுக்கு இது வயசில்ல, ஒழுங்கா படிக்கிற வழியப் பாருடா“னு திட்டினேன். (தூக்கத்த கெடுத்துட்டானே பாவி..). அவனோ நா சொல்றத காதுல வாங்குற மாதிரியே தெரில. அன்னைக்கு சாயந்திரம் போன் பண்ணி “லவ்வ சொல்லிட்டேன் அவளும் ஓகே சொல்லிட்டா“னான். என்னவோ பண்ணித்தொலைனு விட்டுட்டேன்.

ஒரு பத்து நாள் எனக்கு போனே பண்ணல. நானும் பெருசா கண்டுக்கல. பெரியமனுசன் லவ் பண்றான்ல.. கடலை போடவே நேரம் சரியாயிருக்கும்னு நமக்கு தான் தெரியுமே.. நானும் அப்பாடானு என் வேலையப் பாத்துகிட்டிருந்தேன். பதினோராவது நாள் போன் பண்ணி மறுபடியும் ஓஓஓஓஓனு அழுதான். லாவண்யா யார்கூடயோ போன்ல பேசுறாளாம், எப்பப் பாத்தாலும் வெய்ட்டிங்லயே வருதாம். சந்தேகமா இருக்காம். அதுனால அவங்களுக்குள்ள சண்டையாம். புலம்பித் தள்ளிட்டான். அதுல இருந்து போன் பண்ணினாலே ஒரே புலம்பல் தான். இவனுகளெல்லாம் லவ் பண்ணலேன்னு யாரு அழுதா? அப்டியே பண்ணித்தொலைஞ்சாலும் மத்தவங்கள ஏன் தான் டார்ச்சர் பண்றானுங்களோ?

ஒரு கட்டத்துக்கு மேல எனக்கு வெறுப்பாய்டுச்சு. அதுனால அவனுக்கு போன் பண்ணி தெளிவா பேசினேன். அட்வைஸ் பண்ணேன். அவன் கேக்குறதாவே இல்ல. இது வயசில்ல, லவ்வெல்லாம் வேணாம், படிடானு சொன்னேன். ம்ஹூம்.. ஒண்ணும் நடக்கல. பதிலுக்கு என் கூட சண்டை போட்டுட்டான். நா லவ் பண்றேனு உனக்குப் பொறாமைனு சொல்லிட்டான். (ம்கும் இதப் பாத்துப் பொறாமை வேற படனுமாக்கும்). இது சரிப்படாது.. நீ எக்கேடோ கெட்டுப் போ.. எனக்கு போன் பண்ணிப் புலம்பாத.. என்னால முடில“னு சொன்னேன். (எத்தன நாள் தான் வலிக்காத மாதிரியே நடிக்கிறது? காதுலயிருந்து ரத்தம் தான் வருது) அவனும் சரினு சொன்னான். அதுல இருந்து போன் பண்ணவே இல்ல.

கொஞ்ச நாள் கழிச்சு என் போன் தொலைஞ்சு போச்சு. அவன் நம்பர மிஸ் பண்ணிட்டேன். ரெண்டரை வருஷமாய்டுச்சு. சுத்தமா பேசல. (கொசுவத்தி தீந்துபோய்டுச்சுங்க..)

ரெண்டு நாளைக்கு முன்னாடி ஆர்குட்ல அவனோட ப்ரொஃபைல் பாத்தேன். அட.. நம்ம பயலாச்சேன்னு சந்தோசம் வந்திடுச்சு. அதுல அவன் நம்பர் இருந்தது. உடனே அவனுக்கு போன் பண்ணிப். பேசினேன். சகஜமான விசாரிப்புகள் நடந்துச்சு. முணாவது வருஷம் படிக்கிறானாம். என்கூட பேசாம இருந்தது கஷ்டமாயிருந்தா சொன்னான். காலேஜ் எப்டி போகுதுடா, லாவண்யா எப்டி இருக்கா“னு கேட்டேன். இது தான் டாக்டர் நடந்தது.. விதி மறுபடியும் விளையாட ஆரம்பிச்சது.

“ஆறு மாசமா லாவண்யா கூட பேசுறதில்ல. அவளுக்கு வேற பாய்ஃப்ரெண்ட் கெடச்சுட்டான். என் லவ் தோத்துடுச்சு“னு சொன்னான். எனக்கே கேக்குறதுக்கு கஷ்டமாய்டுச்சு. சரி விடுடா.. ஃபீல் பண்ணாத. நல்லா படினு சொன்னேன். (அப்பாடா.. இனிமே போன் பண்ணி டார்ச்சர் பண்ண மாட்டான்னு நம்ம்ம்ம்ம்பி அட்வைஸ் பண்ணேன்).

“திவ்யானு ஒரு பொண்ணு.. என் கூட படிக்கிறா இந்து. எனக்கு அவள பிடிச்சிருக்கு. இப்பெல்லாம் அவள பாத்துகிட்டே இருக்கணும் போல இருக்கு. இது தான் உன் நம்பரா? நைட் போன் பண்றேன். உன்கிட்ட நெறைய பேசணும்னு சொல்லிட்டு கட் பண்ணிட்டான்.

அடக்கண்றாவியே.. மறுபடியும் மொதல்ல இருந்தா?????

தக்காளி.. எவன்டா இந்த செல்போன கண்டுபிடிச்சது???

நாசமாப்ப்ப்ப்ப்போக....

.

.