எதிலும் நீ இருந்தால்..

உலகமே கைக்குள் அடங்கியதோ..!!
என் உள்ளங்கையில் உனது ரேகைகள்.

எனது தோள்கள் உன் காதுகளுடன்
ரகசியம் பேச வேண்டுமாம்..
சற்றே சாய்ந்து கொள்ளேன்.

நமக்குள் தூரம் கொடுமையடி..
உன் இதழ் தரும் ஈரம் வேண்டுமடி..

என்னைப்போல் உன்னிடத்தில் காதல் கொள்ள
எவனும் இல்லை.. எவனும் இல்லை..
என்னிடத்தில் உள்ள உன்னை ஈடு செய்ய
எதுவும் இல்லை.. எதுவும் இல்லை..

இனியொரு வரம் வேண்டாம்..
எப்போதும் நீ அருகில் இருந்தால்.
எதையும் செய்கிறேன்..
எதிலும் நீ இருந்தால்.