உனக்கான தேடல் – எனக்கான தொலைதல்..

எவ்வளவு வெறுத்தாலும்
எள்ளளவும் விலகுவதில்லை..
உனக்கான என் பிரியங்கள்..!
.

மூன்று வார்த்தைகளுக்குள்
முழு நேசத்தை அடக்கிடலாமெனில்
எனக்கு மௌனமே போதுமானது..
.

எல்லாவற்றின் ஆரம்பங்களும்
உன் நினைவில் முடிவடைய,
முடிவற்ற ஆரம்பமாய் நீ மட்டும்..!!
.

உனக்கான தேடலில்
ஊர்ஜிதப்படுத்துகிறேன் என் தொலைதலை..!
.

பேச்சுக்கள் நீங்கிய மௌனங்களும்
பிரக்ஞைகள் இல்லாத பிரியங்களும்
ப்ரம்மாண்டம் நிறைந்த தனிமைகளும்
பழக்கமாய்ப் பக்கம்வர,
வலிக்காதொரு வலி மட்டும்
விலகிநின்று வேடிக்கை காட்டுகிறது!!
.