கோபத்தைக் குறைக்க சில பழைய, புதிய டிப்ஸ்.. (கோவப்படாம படிங்க..)..

இந்த வருஷத்தோட முதல் பதிவு.. உருப்படியா ஏதாவது எழுதணும்னு ரொம்ப நேரமா ஜிந்திச்சேன்.. (போன வருஷமும் இப்டி ஜிந்திச்சு தான் ஒரு முக்கியமான பதிவு எழுதினேன்..)

சரி விஷயத்துக்கு வரேன். நிறைய பேரோட முக்கியமான பிரச்சனையா இருக்குறது கோபம். சிலருக்கு முன்கோபம் அதிகமா இருக்கும், எதுக்கெடுத்தாலும் கோபப்படுவாங்க. ஒரு சின்ன விஷயம்னா கூட உடனே டென்சனாகி, கோவப்பட்டு கத்த ஆரம்பிச்சுடுவாங்க. எதுக்கெடுத்தாலும் நிதானமில்லாம கோவப்பட்றவங்க, டாக்டர் கிட்ட போய் செக் பண்ணிக்கணும். ஆனாலும் நமக்கு நாமே கோபத்தைக் குறைக்க முயற்சி செய்யணும்.

இதையெல்லாம்விட ஒண்ணுமில்லாத விஷயத்துக்கு, தேவையில்லாம வீண் வாக்குவாதம் பண்ணி நம்மள டென்சனாக்குறதுக்குனே சிலர் இருக்காங்க.. அவங்களோட கத்தி கத்தி நம்ம எனர்ஜி தான் வீணாகுது.. அப்படி நம்மள கடுப்பேத்துறவங்க கிட்ட, எப்படி கோவப்படாம நிதானமா இருக்கலாம்னு பாக்கலாம் வாங்க..

கோபத்தை கட்டுப்படுத்த சில பழைய்ய்ய டிப்ஸ்..

1.       எதிராளி நம்மள கோவப்படுத்தும்போது, கண்ண மூடிகிட்டு, பத்துல இருந்து ஒன்னு வரைக்கும் தலைகீழா எண்ணலாம்.. (அதுக்கே தனியா கோவப்படணும்..)

2.       தண்ணிய வாய்ல வச்சுகிட்டு முழுங்காம கொஞ்ச நேரம் இருக்கலாம்.. (கோவத்துல அவங்க மூஞ்சில துப்பிட வாய்ப்பிருக்கு...)

3.       உடனே கண்ண மூடி தியானம் பண்ணலாம்.. (அவ்ளோ பொறுமையிருந்தா நமக்கேன் கோவம் வருது??)

4.       பேசாம குப்புறப்படுத்து குறட்டை விட்டு தூங்கிடலாம்.. (அவசியம் குறட்டை விடணுமானு கேக்காதீங்க... கோவப்பட்ருவேன்.. ஜாக்குறதை..)

5.       பக்கத்து தெருவுல இருக்குற ஏதாவதொரு கோவில்ல, கோவம் வராம இருக்கணும்னு மந்திரிச்சு ஒரு தாயத்து வாங்கி கைலயோ இடுப்புலயோ கட்டிக்கங்க.. (கொடுமடா சாமி..)

சில புது டிப்ஸ்.. (ஹிஹி.. நானே ஜிந்திச்சேன்..)

1.       எதிராளி நம்மள கோவப்படுத்துற மாதிரி ஏதாவது பேசினா, பதிலுக்கு கோவப்பட்டு உங்க எனர்ஜிய வீணாக்காதீங்க.. அதுக்கு பதிலா, அவர் முன்னாடியே பெருசா கொட்டாவி விடுங்க.. அடிக்கடி வாட்சைப் பாருங்க.. காது குடையுங்க.. (இத விட அவங்கள டென்சன் பண்ணவே முடியாது..)

2.       ஒரு பேப்பரை எடுத்து அதுல கண்டமேனிக்கு கிறுக்குங்க.. எழுதணும்னு கூட அவசியமில்ல.. கோடு கோடா கிறுக்கினா கூட பரவாயில்ல. பேனாவை உடச்சிடாதீங்க.. கட்டுபடியாகாது. அப்புறம் அந்த பேப்பர நார் நாரா கிழிச்சு கசக்கி தூக்கிப்போட்ருங்க.. (கொஞ்சம் கோவம் குறையலாம்..)

3.       வசூல்ராஜா பிரகாஷ்ராஜ் மாதிரி கோவத்த சிரிப்பா வெளிப்படுத்த முயற்சி பண்ணுங்க. கஷ்டம் தான்.. ஆனாலும் ஒரு மணி நேர கத்தலுக்கு, ஒரு நக்கல் சிரிப்பு சமம்.. சரிதானே..??

4.       உங்கள கோவப்படுத்துறவர் ஒரு முட்டாள்னு நெனச்சுக்கங்க.. நாயகன்“ல வர்ற “நா அடிச்சா நீ செத்துடுவ“ங்குற டைலாக்க மனசுக்குள்ள சொல்லிக்கங்க.. (சத்தமா சொல்லித் தொலச்சிடாதீங்க..)

5.       உங்க மனசுக்கு ரொம்ம்ம்ப பிடிச்ச பொண்ணோ பையனோ, மறைமுகமா உங்க நடவடிக்கைய கவனிக்கிற மாதிரி கற்பனை பண்ணிக்கங்க. தன்னால கோவம் குறைஞ்சு அமைதியாய்டுவீங்க..

6.       செல்போன் ஹெட்செட்“ட காதுல மாட்டி, வேகமான பாட்ட சத்தமா வச்சு கேளுங்க. அதுக்கு நீங்க ஆக்ரோசமா டான்ஸ் ஆட்ற மாதிரி மனசுக்குள்ள நெனச்சுக்கங்க. (சினிமா ஹீரோயினெல்லாம் கோவமா பரதநாட்டியம் ஆடுவாங்களே.. அது மாதிரி..)

7.       அவங்க பாக்குற மாதிரி ஒரு கொசுவத்திய பொறுத்தி வையுங்க. (கொசுத் தொல்லை தாங்க முடியலனு சொல்லாம சொல்லணும்..) இல்லேனா (ஓவரா பேசாத“னு சொல்றதுக்கு பதிலா) ஒரு செம்புல தண்ணி கொண்டுவந்து அவங்க முன்னாடி வச்சுட்டு, அப்பாவி மாதிரி அமைதியா உக்காந்துடுங்க.

பதிலுக்கு பதில் கோவப்பட்டு கத்தி நம்ம சக்திய வீணாக்குறதுக்கு, இந்த ஆலோசனைகள்  எவ்ளவோ மேல்.. என்ன நா சொல்றது???

நம்மமேல உண்மையான அக்கறை இருக்குறவங்க, ஏதாவது சீரியஸா அட்வைஸ் பண்ணும்போது இதையெல்லாம் பண்ணித்தொலைக்காதீங்க.. நா இங்க குடுத்துருக்குற டிப்ஸ், தேவையில்லாம நம்மள கடுப்பேத்துறவங்கமேல நமக்கு வர்ற கோபத்தை கட்டுப்படுத்துறதுக்கு தான்.

ஒரு ஜோக் ஞாபகத்துக்கு வருது...

Husband:  When I got mad at you, you never fight back, How do you control your anger?

Wife: I clean the toilet.

Husband: How does that help?

Wife: I use your toothbrush

.

.